أحلى نكت حمصيه

من طرف **لَـێـۉڼهَـ** السبت فبراير 04, 2012 1:50 pm

واحد حمصي وقع من بناية خمس طوابق لما وصل تجمعت الناس و سألوا خير شو صار قال والله ما بعرف هلأ وصلت

قال في واحد حمصي نزل على الشام على منطقة المرجة فشاف ساعة المرجة فأعجب فيها فإجا لعندو واحد شامي قللو شو عجبتك قللو اي والله قللو تشتريها قللو الحمصي اي بأديش قللو الشامي ب3000 قام وافق الحمصي وعطاه المصاري قللو الشامي خلليك هون رايح جيب سيبة مشان نزلها وراح وهادا وش الضيف رجع الحمصي على حمص وهو زعلان وقال لأخو القصة فنزل أخو على الشام مشان ياخد بالتار راح على المرجة ووقف قدام الساعة قام شافو الشامي قللو شو عجبتك تشتريها ب 3000 قللو الحمصي اي وعطاه المصاري قللو الشامي خليك هون لجيب السيبة قام قللو الحمصي لا ماحزرت أنت ضل هون أنا رايح جيب السيبة

في حمصي سأل واحد بالشارع وين الرصيف التاني قالو مقابيلك فقالو الحمصي سألت هنيك قالولي هون

السائح لمواطن حمصي في دمشق : ممكن أن تدلني على شارع 29 أيار ؟
المواطن الحمصي : ممكن يا أخي بس أي سنة!!!!

قال الحمصي كيف بيبحث عن الأرنب؟؟؟ ج: بيقلد صوت
الجزرة!!!

ليش الحمصي بيحط الصوبيا برة؟ - لأنو برة أبرد من جوة

ليش باصات الحماصنة كلها بالعرض ؟؟؟ لأنهم كلهم بيحبوا
يقعدوا أول صف

ليش الحمصي بيقيس حرارة الماء بإصبعين؟ لأنو رأيين أحسن
من رأي واحد

اتنين حماصنة عبقلدوا سيارة إسعاف واحد مد راسه من شباك السيارة اليمين وصار يقول ويوو ويوو ويوو والتاني مد راسه وصار يقول أزرق أحمر أزرق أحمر أزرق أحمر

ليش الحماصنة عم يحطوا قبعات على راسن لأنو سمعوا أنو الشيشان عم يضربوا الروس

في وفد حمصي راح للحج قام راح شيخهن قلهم يا شباب كل ما أسرعتوا بالحج كل ما لحقنا العيد بحمص أبكر

في حمصي إجا ولد قام ذبحو
سألوا ليش :قال عصفور بالجنة ولا حمار ع الأرض

في مرة حماصنة سمعو إنو جاي عاصفة عاحمص فاكتبو على مدخل حمص \درعا ترحب بكم

في واحد حمصي قرر أن ينشئ موقع على الأنترنت فعمل موقع صيفي و آخر شتوي الموقع الشتوي سماه حمص دوت كوم أما الصيفي فسماه حمص دوت نص كوم

مرة الحماصنة جمعوا تبرعات من بعضهم و اشتروا قنبلة نووية ليضربوا حماة قام الطيار الحمصي طار وضرب القنبلة بنص حمص قاموا سألوه بعدين ليش ضربت القنبلة بحمص قالهم:شو إحنا دافعين دم قلبنا عالقنبلة لنضربها بحماة

اثنين حماصنة كانوا عم يلعبوا شطرنج ، وقد ما طولت
المبارات معهم مات الملك بجلطة

في واحد حمصي اشترى سيارة بي ام دبليو الحديثة وفتح عل راديو سمع هنا لندن قال
شو هاد ما أسرعا...؟

قال بدن يعملو مستشفى مجانين بحمص آمو سقفوا حمص

مرة كان في واحد حمصي مسافر بالقطار وقعد جنبو واحد,فقال اللي جنب الحمصي : أنا بردان من الشباك, فقاللو الحمصي : تشرفنا وأنا حمدان من حمص

مرة حمصي راح ع الحج ولما رجع سألوه كيف كانت الحجة السنة؟ حكى كنا مرتاحين والأكل كان ممتاز والسكن للحجيج بغاية الروعة ..... وبالأخير سألوه شو كلمتك الأخيرة في نهاية اللقاء؟ جاوب الحمصي: بنصح يلي بدو يروح يحج يروح على السعودية يحج هنيك هههههههه

مرة واحد حمصي كان فوق ناطحة سحاب فشاف واحد على الشارع صغير كثير فكان كلما نزل طابق شافه يكبر أكثر فأكثر فلما وصل لعنده أخذ يضمو ويبوسو فقال له من أين تعرفني فقال له بعرفك وأنت بحجم الأصبع

ليش الحماصنة خسروا بتجارة الموز؟
لأنو كل مايشوفوا موزة مايلة يرموها.

حمصي و حموي و شامي تراهنوا مين يجيب الكنز من مغارة بيحرسها حمار. راح الحموي و قال للحمار: ياعيني يا روحي ... فرفسو الحمار.
راح الشامي و نفس الشي رفسو الحمار. راح الحمصي و بعد نصف ساعة رجع و معو الكنز. سألو الحموي: كيف جبتو؟ ألو الحمصي: كلمة مني كلمة من الحمار طلعنا أرايبين

وحدة حمصية قالها أبوها إجاكي أخ صغير قالتو: بذمتك ؟ لا تقول لأمي خليها مفاجئة

قال ليش الحمصي بيلحق سيارة الزبالة؟ ليقلو للشوفير انو في شبين معلقين من الوراء

حمصي ضرب أخوه كف قام سألو أخوه هادا جد ولا مزح ؟ قالوا جد قام قال أخوه منيح لأني مابتحمل مزح

حمصي تاجر مخدرات نزل إعلان بالجريدة عنا..طحين من اللي بالي بالك....

مرة كان في حمصي راح ع اللاذقية لعند رفيقو راحو عل الكورنيش كل مايمشو خطوة يشوفو واحد حمصي فقال الللاذقاني افففففففففففففففف شو في حماصنة باللاذقية فقال له الحمصي لو بتروح على حمص بتلاقيةمعباية حماصنة

حمصي ضيع حماره رجع لبيته زعلان قالتلو مرته لا تزعل دخلتك علي تسوى عشرين حمار

آخر حكم الحماصنة "إذا لم تكن ذئباً ......فأنت حيوان آخر"

حمصي سافر على أمريكا وهو راجع عالشام شاف بالمطار مراية يللي بيوقف قدامها بتقلو كل شي عن حالو..
وقف قدام المراية قالتلو: انت بهاء من حمص وطيارتك بعد نص ساعة...
راح لبس خليجي ورجع... قالتلو: انت بهاء من حمص وطيارتك بعد ربع ساعة...
رد راح غير لبسو وصبغ شعرو ورجع. قالتلو: انت بهاء من حمص خليك عمتستهبل راحت عليك الطيارة.

حمصي انخطفت حماتو راح عند مرتو قلها: أمك انخطفت وبدهون فدية 100 ألف ليرة يا أما بيحرقوها بالبنزين وصرلي من الصبح داير بالحارة من بيت لبيت عم اجمع تبرعات..
قالتلو: وقديش جمعت؟؟؟
قلها: صار معي شي 50ليتر بنزين.

حمصي حبسوه لأنو قتل 25 واحد. بالمحكمة سألو القاضي: كيف بتقتل 25 زلمة؟؟؟ جاوب الحمصي: كنت ماشي بالسيارة يا غافل إلك الله فجأة عطل الفرام وقدامي منحدر, وعلى يميني ماشي زلمة لحالو وعلى يساري شي 24 ولازم روح يا يمين يا يسار انت لو محلي شو بتساوي؟؟
قال القاضي بروح يمين ادعس واحد أحسن ما ادعس 24.
قلو الحمصي: وانا كمان هيك قلت رحت يمين قام الحيوان راح عالطرف التاني قمت لحقتو ودعستون كلون.

حمصي ما عميقدر ينام قالتلو أمو روح عد للمية.
وصل للخمسين كبس عليه النوم.. راح غسل وشو ورجع كمل

واحد ربح مليون ليرة راح لعند مرتو عميخبرها قام إجتها أزمة قلبية وماتت.. قال: الحمدلله يا ربي شلون بتبعت الخير دفعة وحدة..

حمصي قال لأبوه حابب كمل دراستي بره... قلو: خلي امك تفرشلك بالديار بس تغطى منيح لأنو برد..

تلميذ شقوة طلبت المدرسة ولي أمرو ..قلو أبوه: شو عامل؟؟ قال: ما عملت شي بس لحشت وردة من الشباك.
راح الأب عالمدرسة تاني يوم لقى عند المدير وحدة كلها مجبصنة قلها خير يا حبيبتي شو اسمك انتي؟؟ قالتلو: انا وردة....

حمصي قالولو بالصين كل ساعة بينولد واحد... قال: يا لطيف الولد عنا بدو 9 شهور ليجي

اتنين حماصنة طلعو ببرنامج تلفزيوني. المذيعة سألت الأولاني احكيلنا عن حمص.. قال: هي حمص امي... سألت التاني: وانت كمان حكيلنا شوي عن حمص... قال: مو عيب احكي عن ام رفيقي..

حمصي ركب بالتكسي حط مرتو قدام منشان الشوفير ما يطلع عليها بالمراية...

ديك عم يجاكر جاجة قلها: يعني شلون انتي بتبيضي وما بتاكلي بيض...
قالتلو: مو أحسن منك بتأدن وما بتصلي...

حمصي سألوه: شلون صيام رمضان بالصيف معك؟؟؟ قلون: والله الحمدلله لولا هالوضوء كان الواحد مات من العطش

حماصنة عم يلحشو حالون من الباص وهو ماشي ليش؟؟؟؟ الشوفير حط غنية التايتانيك فكرو الباص حيغرق

حماصنة بسنة 2000 لعبو طميمة لهلأ ما بينو....

[size=16][size=21]هههههههههههههههه[/size][/size]
لك حيو اهل حمص
مافي احلا من حمص العديه

شكرا لك راح اممووووت من الضحك

لسه تسوين هاذا في

شكرا لك

ههههههههههههههههههههههههه

بحب نكتهم

من طرف **لَـێـۉڼهَـ** الأحد فبراير 05, 2012 5:13 pm

ههههههههههه

لي في احلة من حمص

واهل

حمص

ونكتهم

هي حمص عاصمة

الضحك

الحمد لله حمصية وافتخر

من طرف **śáşõ** الأربعاء فبراير 08, 2012 7:41 pm

ههههههههههه

الله حيو اهل حمص

بكلشي روووعة

أحلى نكت حمصيه

أحلى نكت حمصيه

رد: أحلى نكت حمصيه

رد: أحلى نكت حمصيه

رد: أحلى نكت حمصيه